Serchhip DIET-a D.El.Ed. Training ten an titha

Mizoram Board of School Education (MBSE) chuan kumin June thlaa Diploma in Elementary Education (D.El.Ed.) Examination, 2026 result tichhuakin DIET Serchhip-a Training zingah mi 45 ten an pass.
Kumin June thlaa MBSE in Diploma in Elementary Education (D.El.Ed.) Exam a buatsaih ah khan District Institute of Education and Training (DIET) Serchhip atang hian mi 49 ten Exam an hmachhawn a, an zinga mi 17 te chuan Distinction-ah pass in mi 28 ten 1st Division-ah an pass bawk a, zirlai 4 erawh an fail thung a, za zela 91.83 pass ang an ni.

DIET Serchhip atanga D.El.Ed. Exam zingah hian Mizoram puma a titha zual 10 (Top-10) tarlan ah mi pali an lang a, Lalhunruati D/o Vanroliana, Khawlailung chuan mark 1800-ah 1528 hmuin Mizoram pumah pahnihna a ni a, C. Malsawmtluangi D/o C. Lalrinsanga, Chhiahtlang chuan mark 1507 hmuin palina a ni bawk a. J. Lalengliana S/o R. Lawmsangzuala, Khawbel chuan mark 1488 hmuin pakuana a nih bakah Hruaitluangpuii S/o C. Lalramhluna, Chhipphir chuan mark 1482 hmuin 10-na a ni bawk.