Serchhip Block-a TB dona a hmalak dan tur ngaihtuah
He thutkhawm Serchhip BDO Office Chamber-a neih hi Serchhip BDO, Dr. Lalramdintluanga chuan kaihruaiin khawvel pumah kum 2030-ah hian TB natna umbo tum niin India ramah chuan kum 2025-ah umbo tum a ni thung a. He hmalakna hi a hlawhtlin tawk loh avangin Serchhip RD Block huamchhunga TB natna dona kawnga hma la turin Serchhip BDO kaihhruaina hnuaiah TB Mukt Bharat Abhiyan Team chu din a ni a, he Team hi nimin khan thukhawmin Serchhip RD Block huamchhunga TB umbo hna thawh mekah chak zawka hna thawh a nih theih nana hmalak dan tur hrang hrang an ruahman a ni.
TB Mukt Bharat Abhiyan Team hian Serchhip RD Block huamchhung khaw hrang hranga chengte TB vei leh vei lo enfiahna leh a hma aia tam zawk enfiahna neih dan tur ruahmanin TB vei inenkawl mekte chhawmdawl kawnga hmasawnna neih theih nan te leh Serchhip District in TB Free Village tam zawk a neih theih nana hmalak dan turte pawh ngaihtuah nghal a ni a. TB vei enkawl mek ten an mamawh chawtha an hmuh theihna tura mi tlawmngai leh pawl hrang hrang ten tun aia tanpuina an pek thein nana hmalak dan turte pawh an sawiho nghal bawk a ni.