Rural Development & Administration Department changtu Minister leh Tawi Bialtu MLA Prof. Lalnilawma chuan nimin khan MLA Fund leh SELCO Foundation tangkawp hmalakna kaltlanga Seling khua Cold Storage dah thar chu a hawng a, Cold Storage hi 5 Metric Tonnes (MT) a lian niin ni zung chakna (Solar Power) hmang a ni a. Bialtu MLA leh SELCO Foundation-te thawhhona hnuaiah he Cold Storage hi dah niin Prof.Lalnilawma hian MLA Fund atangin cheng nuai 4.52 a tum a, SELCO Foundation lamin cheng nuai 6.70 an tum thung a ni. Nimin-a a hawnna hunah hian Prof. Lalnilawma chuan Seling-ah hian SELCO Foundation-te nen veka thawkho in Solar light leh fan-te an lo dah tawh thu sawiin, Cold Storage an dah leh thei chu lawmawm a tih thu a sawi a, Seling khaw mipui te chu tangkai taka hmang turin duhsakna a hlan bawk.
