Sawhthing quintal nuai 2 chuang lei tawh

Zonuna Kawlni (LENKAWL) • August 28, 2026 • Comments • Mizoram

Agriculture Department changtu Minister PC. Vanlalruata chuan kumin August 18 thlenga Sawrkar-in kuthnathawktute Sawhthing a lei sak tawh zat chu quintal nuai 2 chuang a nih thu a sawi.

Assembly thutkhawma ziaka zawhna a chhanna ah he thu hi sawiin Agriculture Minister PC. Vanlalruata chuan Sawrkarin kuthnathawktute hnen atanga Sawhthing a leisak zat chu quintal 2,00,481.55 a nih thu a sawi a, Sawrkar-in Sawhthing Support Price atan kum 2025-ah Rs. 141,50,74,578/- a pechhuak tih pawh sawiin, kum 2026-ah Rs. 51,13,17,737/- a pechhuak tih a sawi a, Kum 2 chhungin sawrkarin kuthnathawktute Sawhthing leina atan Rs. 1,92,63,92,316/- a sengral tih a sawi a ni.

Agriculture Minister chuan Sawrkar-in Support Price zawng zawng a pechhuak vek tawh tih pawh sawiin, DAMC Account-ah thun luh tawh niin kuthnathawktute account-ah thunluh chhoh mek a nih thu a sawi bawk.