PMJVK Scheme hnuaiah Mizoram in Central-ah Project 25 a thehlut tawh

Chief Minister Lalduhoma chuan PMJVK Scheme hnuaia Mizoram in Central-a Project a thehluh mek chu 25 a nih thu a sawi a, tun dinhmunah sanction hmuh ala awmlo tih a sawi.

Mizoram Assembly thutkhawma East Tuipui Bialtu MLA Ramthanmawia zawhna ziaka a chhanna ah he thu hi sawiin Chief Minister Lalduhoma chuan PMJVK Scheme hnuaia Mizoram in Central-a Project a thehluh mekte chu Scheme hrang hrang niin Union Cabinet pawmpui a ngaih avangin an pawm hun nghah mek a nih thu a sawi a, Project 25 te chu District hrang hranga mi a ni a ti bawk.

Chief Minister Lalduhoma chuann tun Sawrkar-ah Planning & Programme Implementation Department hnuaiah Restricted Tender hmanga hnathawh pakhat a awm thu sawiin, hna chu Development of Integrated Programme Evaluation and Monitoring System with Server Hosting and AMC atan a nih thu a sawi a, Mizoram Plan Analytics Software (MPLAN) siamna a nih thu leh cheng nuai 85 man niin Integrity Tech Solution in cheng nuai 69.99 in hna an thawk tih a sawi bawk.