Home Minister in Chamdel Kût a hmanpui
Govt. Champhai College Multipurpose Hall-a he hun hman ah hian Home Miniter K. Sapdanga chuan zirlai naupangte chu an mamawhna apianga Smartphone leh AI hman theih tur an nei chu an vanneih thu hrilhin, tangkai taka hmang turin a fuih a. Chutih ruala ruihhlo vanga harsatna hrang hrang an tawrh thin te chu pawi a tih thu sawiin, chu aia pawi zawk rilru hrisel lohna vanga harsatna tam tak thalai ten an tawk chu pawi a tih tak zet thu sawiin, Mizo nun dik taka kir leh turin a sawm a ni.
Govt. Champhai College hi August 6, 1971-a din niin tunah hian Arts Stream, Science Stream, Computer Science leh Commerce zirna a awm a, Chamdel Kût-ah hian College zirlai naupang te atangin hnam lam leh zai leh an thiamthil hrang hrang entir a ni a. Principal Lalthanpuia chuan inlawmna thu sawiin, College din a nih dan leh Chamdel Kût lo chhuah dan te a tarlang a. Khual zahawm Mizoram KVI Board Chairman C.Lalremliana pawhin nun dika kan nuna, theihtawp kan chhuah chuan malsawmna kan dawn thin thu sawiin, theihtawp chhuah duh tak tak te tan chuan mahnia kutkawih eizawnna kawng zau tak a awm thu a sawi bawk.