Nau piang chhinchhiah chungchang thlirho

Nimin khan Mamit-ah District Level Co-Ordination Committee (DLCC) on Civil Registration of Births & Deaths chu an Chairman leh Bawrhsap Suvigya S Chandra hovin an thukhawm a, tunhnaia Birth Certificate Delayed Registration application thehlut pung chungchanga hmalak dan tur rel niin District Bawrhsap chuan India khua leh tui dik tak te chiah India khua leh tui nihna kan pek a pawimawh tih sawiin, thuneituten dik taka an mawhphurna an hlen a tul thu a sawi bawk. Hei bakah hian District Bawrhsap chuan damdawi In-a nau nei lo, In lam-a nau piang (home birth) nei te chuan registration an tih ngei a pawimawh thu a sawi a, hemi kawngah hian DIPRO chu Health Department, School, RBD thawktute leh khawtlang hruaitute hnenah Awareness uar leh zuala kalpui turin a chah a. Khaw tin VC te hnenah registration pe tharte chu an khua ami a ni ngei em tih enfiahna (verification) nei turin chah a tul thu a sawi bawk.