MZP in hmalak an tum

Mizo Zirlai Pawl (MZP) General Hqrs. chuan nimin khan Executive Meeting neiin Ministry of Home Affairs-in India National Song- ‘Vande Mataram’ chu India ram chhunga zirna In zawng zawnga sak chhuah ngei tur thupek a chhuah thu ah March 9, 2026 khan Press Conference neiin, Zirna In zawng zawnga Vande Mataram sak chhuah emaw, ngaihthlak chhuah emaw ngei ngei tura tih chu an duh loh thu an lo sawi tawh thu leh an dinna ngaiah an la din reng thu an sawi a. Mizoram chhunga zirna In hrang hrangah tih luihna hmanga sak tir an nih loh hmalak nise tiin, Zirna In chu thiam zirna tur a nih angin Politics thila hman an phal ngai dawn lo tih an sawi bawk. Hei bakah hian MZP chuan kum 2015 atanga Sept. 2-ah ‘Hnamdang Nupui Pasal neilo tura inzirtirna ni’ an hman thin chu kumin ah pawh hman leh nise an ti bawk.