MUHCS zawmtu pung zel

Zonuna Kawlni (LENKAWL) • August 17, 2026 • Comments • Mizoram

Mizoram Universal Health Care (MUHCS) zawmtu an awm belh zel a, Mizoram-a mimal leh Kohhran enkawl Damdawi In 19 bakah Mizoram pawnah Private/Trust/Mission Hospital 52-ten an zawm tawh. Tunhnai khan Mizoram State Health Care Society (MSHCS) leh Bangalore Baptist Hospital chuan Bangalore Baptist Hospital-ah inremna thuthlung, Memorandum of Agreement (MoA) chu Health Minister Lalrinpuii hovin an ziak a, Bangalore Baptist Hospital hi Kohhran mal ta ni lovin Vellore CMC Unit a ni a. Bangalore-a Mizo hnathawk leh zirlai awmte bakah Kristianten a an pan nasat pawl a ni. Hemi hma July 30, 2026 khan Care Hospital, Dawrpui, Aizawl chuan MUHCS zawmin Mizoram State Health Care Society CEO Office-ah inremna ziahfel a ni.