Mizoram-a Kuhva tam hri zirchiang

Mamit leh Kolasib District-a Kuhva chingtuten Kuhva tam avanga harsatna an tawh mek chu ICAR-Central Plantation Crops Research Institute (CPCRI), Kasaragod, Kerala leh Department of Arecanut & Spices Development (DASD), Ministry of Agriculture & Farmers Welfare atanga mithiam (Scientist) lo kal ten nimin leh niminpiah khan an Kuhva hnunah kalchilhin an zirchiang a, Scientist-te chuan kuhva chingtute hnenah kuhva phun atanga a enkawl chhoh dante leh kuhva kungte natna laka venhim theih dante sawifiahin, Kuhva tam hriin a eichhiat mekte leh a eichhetu rannungte chu a sample lain hmunpuia zirchian turin an hawn nghal a ni. Land Resources, Soil & Water Conservation Department bul tuma lo kal Scientist-te hian uluk zawkin an hmunpuiah zirchianna an nei zui dawn a, chumi hnuah report-te buatsaihin Union Minister of Agriculture & Farmers Welfare hnenah an thehlut leh dawn a ni.