Mizoram DP&AR Secretary Delhi-ah man

Mizoram sawrkar-a DP&AR changtu Secretary, Udit Prakash Rai chu eiruk thubuaiah Delhi-ah man a ni.

Delhi-a AAP in thuneihna an chan laia Delhi Jal Board-a eirukna leh Tender chhuah dan dik lo thubuaiah Delhi Police Anti-Corruption Branch chuan niminpiah khan mi 6 an man a, an man zingah hian Delhi Water Minister hlui Satyendar Jain bakah Delhi Jal Board CEO hlui, tuna Mizoram sawrkar-a DP&AR changtu Secretary Udit Prakash Rai-te pawh an tel a ni. Anti-Corruption Branch chuan an chhui chianna atangin Delhi Jal Board CEO hlui Udit Prakash Rai hian amah leh a chhungte Bank Account kaltlangin thamna cheng vbc. 1.52 a la tih finfiah a nih thu an sawi a. He thamna sum a lak hmang hian bungraw khawih chet theih loh (immovable property) a lei tih an sawi bawk.

Anti-Corruption Branch-in Delhi Jal Board-a eirukna leh Tender chhuah dan dik lo thubuaia an mante hi Delhi Water Minister hlui Satyendar Jain leh Delhi Jal Board CEO hlui Udit Prakash Rai bakah Delhi Jal Board Contractual Consultant hlui Ankit Srivastava; M/s AN Enterprises neitu Nagendra Yadav; Euroteck Environment Pvt Ltd. neitu Raja Kumar Kurra leh M/s Srijanhar neitu Pankaj Verma-te an ni.