Mipui thlawpna hmu tha tih sawi

Home Minister K. Sapdanga chuan tunhnaia Mualthuam North tleirawl, H. Lalramdinpuii tual thihna Police ten an chhuina ah Mualthuam North mipui ten tha takin an thlawp tih sawiin, an duh ang thlawpa thlawpna an hmuh thu a sawi. Nimin a Assembly thutkhawm a Member te zawh belhna a chhanna ah Home Minister K. Sapdanga chuan he pawikhawihna hi tun thla ni 3 zan-a thleng a nih thu leh August 5 zing-ah ruang hmuh a nih thu sawiin, ruang hmuh a nih hma hian sawrkar-ah report a awm loh thu leh chhungkhat leh khawtlang ten H. Lalramdinpuii hi zawngin ruang hmuh a nih hnuah Police Station hnai berah report a nih thu a sawi. Home Minister chuan Police ten pawikhawihna hmun an thlen lai hian ruah a sur nasat avang leh thil thleng chu a rapthlak avangin khawtlang mi te tan hnu chhuina tur fimkhur sen a ni lo tih a sawi a, hetiang a ni chung hian Police ten theihtawp chhuahin Mualthuam North khawtlang mipuite laka an beisei leh duh ang ngeiin thlawpna an hmuh thu te pawh a sawi bawk a ni.