Tunkar Ningani khan District Commerce & Industries Department, Serchhip leh Lead Bank te tangkawp buatsaihin Serchhip Bazar-ah PM Vishwakarma Loan Mela leh C&I hnuaia Schemes hrang hrangte inhrilhhriatna hun buatsaih a ni a. He hun hi Serchhip District Commerce and Industries Officer Lalchhanhimi leh Lead District Manager Lalnghawrliana ten hmanpuiin Serchhip khawpui leh a chhehvela kutthemthiam leh kuthnathawktu thahnem tak an kalkhawm a, Bank hotute leh C&I Department hotute hnen atangin hna thawh dan tur leh hamthatna dawn theih hrang hrangte ngaihthlak niin sawrkar Scheme hrang hrang – PMEGP, PMFME, PMVK leh loan hrang hrang awm theite chiang zawka inzirtirna neih a ni a. Bank loan lak kawnga harsatna awm theite leh inziahluh (registration) chungchanga hriatthiam loh nei te tan zawhna leh chhanna hun hman a ni bawk.
