Agricultural Technology Management Agency (ATMA) East Lungdar Block hmalakna August 29, 2026 khan North Vanlaiphai leh Chekawn khua-ah Sangha khawi leh enkawl chungchang ah Demonstration leh Farm School Programme hlawhtling taka neih a ni a, Fisheries Extension Officer Janet Lalawmpuii Chawngthu chuan Leilet-a Sangha khawi leh buh chin kawp dan zirtirin chawhma lamah North Vanlaiphai Leilet-ah hun hmangin Common Carp note 2000 leilet buh tui tlinna-ah chhuah a ni bawk. Chawhnu lamah Chekawn khuaah Varak ek hmanga Sangha chawm leh enkawl dan zirho leh a ni a, Indian Major Carp (Rohu) note 700 chhuahin, varak note leh Varak In sakna tur tanpuina sem a ni a, Indian Major Carp enkawl dan zirho nghal a ni bawk.
