LC leh VC by-election tluang taka zawhfel a ni
Tun tuma State Election Commission in by-election a buatsaih ah hian AMC huamchhunga Local Council 8-ah by-election neih niin ZPM chuan LC 8-ah hnehna changin MNF in LC 2-ah hnehna an chan bakah Independent Candidate in LC pakhat-ah hnehna an chang a. ZPM-in seat an lakna hi Selesih, Durtlang, Dawrpui Vengthar, Bungkawn leh Salem Veng te niin a vai hian General Seat vek a ni a. MNF hian Zotlang a General Seat leh Luangmual-a Reserved Seat lain Independent in Seat an lakna hi Republic-a Reserved Seat-ah a ni. LMC hnuaia Local Council pakhat-a by-election neih na, Zotlang LC-ah ZPM Candidate thlantlin a ni bawk.
District pathum-a Village Council pathum a by-election neih ah erawh ZPM party in hmun hnih ah hnehna changin INC in hmun khat ah hnehna an chang a, Serchhip District-a East Lungdar VC by-election ah ZPM in hnehna changin Lunglei District chhung Bunghmun-a Reserved Seat ruak hnawhkhat tura by-election ah ZPM in hnehna an chang bawk a. Kolasib District chhung Bilkhaw-thlir South-a by-election ah Indian National Congress (INC) in hnehna an chang bawk a ni.