Kum 12 chhung tang turin rel sak

Zu leh pawisa duh avanga kum 2023 January atanga July 2024 thlenga hnamdang Truck Driver leh Railway-a hnathawktu te hnenah inzawrh tir thintu a puh Kawnpui khuaa nu pakhat chu Kolasib Fast Track Court Judge R. Vanlalena chuan nimin khan thiamloh a chantir a. BNS Section 96 hnuaiah kum 5 chhung lung In tang tura tih niin BNS Section 98 hnuaiah kum 5 dang Jail tang tura tih a nih bakah kum tling lo hnena Zu a in luihtir thin avangin JJ Act hmangin kum 2 chhung Jail tang turin a ti bawk a. Hremna hi a mal te tea chhiar tur niin kum 12 chhung tang tura tih a nih bakah Rs. 15,000 chawi tura tih a ni bawk.