Kawng siam tum a nih thu sawi

Public Works Department (PWD) Minister Vanlalhlana chuan Mizoram-ah kawng thlan bik 19 te chu Fur ruahtui tam a reh veleh siam tan nghal a ni dawn tih a sawi. Nimin-a Assembly thutkhawm zawhna leh chhanna hunah Member te zawhna chhangin PWD Minister chuan Petrol leh Diesel-a Cess lak atangin Mizoram Sawrkar chuan Public Works Department hnuaiah cheng vbc. 43.25 chu kawng siamthat nan ruahman a ni tih sawiin, chuta tang chuan Lawngtlai Division-a hnathawhna tur cheng nuai 193.43 dah a nih thu a sawi a. Hei bakah hian PWD Minister chuan Mizoram District khawpui kawng a chhia tih an hriat thu sawiin, State Capital-ah bul an tan a, District kawng an hmabak thu leh Kawng thlan bik 19 an neih te chu Fur ruahtui tam reh veleh siam tan nghal a ni dawn tih a sawi a ni.