East Lungdar leh North Vanlaiphai-ah Independence Day hmang
India Independece Day vawi 80-na hi East Lungdar-ah chuan Inrinni zing khan East Lungdar Bazar Kawn-ah hmangin North Vanlaiphai-ah chuan chawhma lamah SDO (C) Complex-ah hman a ni bawk a, heng hunah hian East Lungdar BDO leh North Vanlaiphai SDO (Civil) Dr. Marilyn Lalruatkimi chuan Hnam Puanzar pawtparhin zirlai naupang ten Hnam hla an sa a, heng hmun ah te hian Dr. Marilyn Lalruatkimi chuan kum 200 chuang British awpna hnuaiah India a awm hnuin, August 15, 1947-ah Independent Country (ram zalen) a lo ni ta a. India Danpui (Constitution) thuthlung hmasa ber chuan mipui rorelna atana thil pawimawh hmasa zual- Dikna, Zalenna, Intluktlanna leh Inunauna a tarlang a. India Danpui hnuaia rorelna khawl peng hrang hrangte chuan mipui rorelna kengkawhin roreltu thlan theihna te, mahni dikna leh chanvo humhalh theihna te a buatsaih sak a ni, a ti a. He huna kalkhawmte chu India ram tana sulsutu hmasa te, zalenna sual chhuaktu te, Danpui tha tak min siamsaktu te hre reng a, zahna chibai buk turin a sawm a, sawrkar Department hrang hrang hmalakna te a sawi bawk.