I-Day March past result

Inrinni kaltaa India Independence Day lawmna Serchhip Sports Complex-ah neih ah Parade Contingent 18 ten Hnam puanzar chibai bukin March past an nei a, Parade hi SI Vanlalhruaia, 2nd Bn. MAP, Serchhip DEF chuan kaihruaiin ASI Michael Lalremsanga, Serchhip DEF chu Asst. Commander a ni bawk.
Kumin a March past a tel te hi Un-Armed Contingent 5, School Contingent 12 leh Little Flower Convent School Band Party te an ni a, Armed Contingent tel an awm lo thung a ni. Un-Armed Contingent-ah hian NCC Govt. High School Serchhip chu pakhatna niin NCC Marian High School chu pahnihna an ni a, NCC Govt. Serchhip College (Air Wing) chu pathumna an ni bawk.

School Contingent 12 te zingah Govt. Higher Secondary School Serchhip chu pakhatna niin Presbyterian English School Serchhip (Middle Section) chu pahnihna leh Goodwill English Academy (Middle Section) chu pathumna an ni.