FOCUS 2.0 kalpui dan tur thlir

Nimin khan Chief Minister Lalduhoma hovin The Society for Climate Resilient Agriculture in Mizoram’ (SCRAM) Governing Council thutkhawm chu  Planning & Programme Implementation Department Conference Hall-ah neih a ni a, SCRAM hi sawrkar hnuaia 'Fostering Climate Resilient Upland Farming System' (FOCUS) project kaltlanga Mizoram chhunga loneih leh thlai tharchhuah kawngah leh khawchhe laka invenna atana hmalakna hrang hrang tihlawhtling tura din a ni a. He Meeting-ah hian project FOCUS 2.0, International Fund for Agricultural Development (IFAD) puihna nena kalpui tur chu sawiho niin FOCUS 2.0 kalpui dan tur rawtnate chu Chief Minister hmaa sawifiah a ni a, thutkhawm leh huna ennawn leh tura rel a ni. FOCUS 2.0 Project hi kum 6 chhung- April 1, 2026 atanga March 31, 2032 thleng kalpui tura duan chhin a ni.