Eirawngbawlna Gas man bithliah thar a ni

Mizoram sawrkar chuan IOCL in Revised Retail Selling Price a tihchhuah angin Mizoram a eirawngbawlna Gas man a bithliah thar a, hemi ang hian Vairengte tih loh Mizoram hmun dang zawngah chuan kg. 14.2 a rit Domestic cylinder man chu bur khat zelah Rs. 1094/- a ni anga; kg. 19-a rit Commercial (packed) chu bur khat Rs. 3217.50 niin kg. 19-a rit Xtra TeJ chu bur khat Rs. 3239.50 leh kg. 10-a rit Composit chu bur khat Rs. 787 a ni ang.

Eirawngbawlna Gas man hi home delivery kalpuina ah chuan bur khat ah Rs. 70 zel belh tur a ni a, Godown-a hralh anih erawh chuan Rs.33.43 zel paih thung tur niin Home Delivery a kalpui thei ngang lo Veng, Point delivery kalpuinaah chuan bur khat man ah Rs. 7.53 belh zel tur a ni thung ang. LPG Home delivery kalpuina ah hian kg. 10 cylinders sem tel a nih chuan bur khat zelah Rs.70/- belh tur niin kg. 5  cylinder sem tel a nih chuan bur khat zelah Rs. 20/- zel belh tur a ni ang.