District Council in a hrangin Independence Day hmang

Chakma leh Mara Autonomous District Council-a mipui thlante chuan Independence Day vawi 80-na chu Inrinni khan a hrangin an hmang. CADC-a political party hrang hrang kalkhawmte chuan Chawngte-a CADC hmunpui-a Independence Day lawmna a Hnam puanzar pawtparh tura mipui thlan, Chief Executive Member (CEM) ruat lova SDO (Civil) ruat a ni chu an lungawi loh thu Larsap an hrilh a. CADC CEM Nirupam Chakma chu sawrkarin Independence Day lawmna a siamah tel lovin CADC hmunpui-a he ni lawmna ah hian a tel a ni. 

Mara Autonomous District Council (MA-DC) ah pawh sawrkar kum hnih (2) lai Mizoram sawrkar atanga Budget Revised estimate an dawng tawh lo lungawina lantir nan MADC Executive Committee thutlukna angin a hranin he ni hi an hmang bawk a. MADC CEM M. Laikaw chuan hnam puanzar a pawt pharh a ni.