Bawrhsap hovin Serchhip-a GPA Building leh Circuit House sak mek te enfiah a ni
Mizoram sawrkar chuan SASCI sum hmangin sawrkar hnathawk te chenna tur, General Pool Accomodation (GPA) hi Distirct Hospital Serchhip bulah pakhat bakah P&E Veng-a Soil Department Office bulah pakhat leh Leisekawt Mual bulah pahnih, a vaiin building pali a sa mek a, heng te hi nimin khan a hmunah enfiah niin Hospital bula mi leh Leisekawt Mual bula building pakhat zawkte hi 'Design B' tih niin chhawng 3 (Group A tan chhawng hnih leh Group B tan chhawng khat) leh Motor te 5 hun theihna Garage floor pakhat a awm a. Building dang pahnih hi 'Design A' tih niin chhawng 4 (Group A tan 3 leh Group B tan 1) leh lirthei 5 hun theihna Garage floor a awm bawk a. Buillding tinah hian tui litre nuai khat dahkhawlna (Water Tank) bakah floor tin luahtute tan Tuizem litre 2000 theuh daha ni dawn a. GPA building-te hi SASCI sum hmanga sak niin Treasury Office bul ami Design A building sak nan hian cheng nuai 344.74 ruahman niin Design B sak nan nuai 294.54 ruahman a ni a; Hospital Complex-a Design B building sak nan nuai 306.46 leh Soil Department a Design A building sak nan cheng nuai 351.94 ruahman a ni bawk. Tun dinhmunah 80% vel sak zawh tawh niin kumin October thla-a sak zawh fel hman beisei a ni.
Khawtetlang-a Circuit House sak mek hi SASCI hmanga sak bawk niin a sakna atana sum ruahman hi cheng nuai 652 a ni a; VIP Room 2 leh mikhual Room 4 bakah Dormitory pahnih, Conference Hall, Kitchen leh Dining Hall te, Lounge leh Reception Office bakah Chokidar quarters te a awm dawn a, tun dinhmunah 60% vel hna thawh zawh tawh a ni bawk.
Heng Building hrang hrang enna ah hian Bawrhsap Paul L. Khuma chuan Contractor-te hmalakna ah lawmthu sawiin, huntiam chhung ngeia thawk zo turin a ngen a, building hrang hrang changtu Contractor theuhte chu intihsiakna tha ah ngaia tha taka hna thawk zo hmasa ber nih tum theuh turin a fuih a. Contractor te pawhin harsatna an neih te an lo sawi ve bawk a ni.