Assembly Committee in tlawh

Mizoram Legislative Assembly-a Committee on Local Fund Accounts chuan nimin khan 15th Finance Commission kaltlanga KMMTTP Road, Phaikhangzau-a 'Lawngtlai Town Sewer Disposal System' (FSTP) hna thawh chu a hmun ah an endik a, April 11, 2025-a hawn tawh tun thlenga mumal taka a la function lo chu veiawm an tih thu tarlangin, chak zawka hmalak a ngai dawn tih an sawi a, FSTP chu a hma lama hman theih tur leh enkawltu mumal tak an awm theih nan LAD leh LADC-a Sanitation Department te chu a hma lama thutkhawm nei turin an chah a. Tun dinhmuna hman theih a nih loh chhan hrang hrangte chu Commitee on Local Fund Accounts-a Chairman Dr. Lorrain Lalpekliana Chinzah hnena ziaka thehlut tura chahin, thutkhawmah an lo ngaihtuah leh tur thu an tarlang a ni.

Lawngtlai Town Sewer Disposal System (FSTP) sak hna hi  15th Finance Commission hnuaiah LADC-a LAD kaltangin Lawngtlai Town chhunga Village Council 12 ten an thawk a, Rs. 1,01,71,500 seng a sak a ni.