Agri. Minister in hmanpui

Agriculture & Farmers' Welfare Minister PC. Vanlalruata chuan nimin khan Govt. Hrangbana College-in an College Golden Hall-a Freshers' Social and Felicitation programme an buatsaih chu khuallian niin a hmanpui a, he College-ah hian kum 32 liamta ah khan amah ngei pawh a lo kal ve tawh thu sawiin, Hrangbana College chu an hunlai atang tawhin College tha, zirlai nei tam leh NEHU enkawlna hnuaiah awm thinin, Sports lamah pawh an duai lo hle thin tih a sawi a. Cooperation Minister a nih angin zirlaite chu Cooperative Movement-ah tuina thar nei tura fuihin, “Mahni a kan tihtheih loh hi a huho chuan a lo awlsam zawk thin,” tiin zirlaite pawh an eizawnna tur zawn theuhah thiante nen tangho a, Cooperative Society te din a hma la turin a fuih bawk. Minister hian Govt. Hrangbana College Annual Magazine leh ‘James Dokhuma Thu leh Hla Zir Zauna’ tih lehkhabu tlangzarhin ‘R. Zatlaia Award’ te, ‘Maiti Award’ te, ‘Zokaitluangi Psychology Award’ leh lawmman dang te a sem bawk.