ZoRO hruaitu ten CM kawm

Nimin khan Zo Reunification Organization (ZoRO) hruaitute chuan Chief Minister Lalduhoma chu a Pisa-ah kawmin kumtin August ni 9-a hman thin, World Indigenous Day (International Day of the World's Indigenous Peoples) chungchang an sawipui a. Kumin-a World Indigenous Day lo thleng tur hi ZORO chuan ropui taka hman an tum thu sawiin, he ni hi hnam tlem zawk (Indigenous people/tualto hnam)-te chanvo humhalh a, an thawnthu leh nunphung vawng nung tura hriatchhuah nan leh chawimawi nan hman thin a ni tih an sawi a. World Indigenous Day hi Zofa, Indigenous People te tan chuan a pawimawh hle nia sawiin, “Zofate tan inpumkhatna leh chhul khat kual kan ni tih inhriat tharna atan hman thin a ni bawk,” an ti.