Zirna hmasawn nana hmalakna leh hmachhawp tarlang
Department of School Education & Literacy (DoSEL), Union Ministry of Education buatsaih New Delhi-a ‘Two-Day Conclave of State/UT Education Ministers on Review of Centrally Sponsored Schemes’ chu nimin khan Education Minister Dr. Vanlalthlana chuan hmanpuiin Mizoram zirna tihhmasawnna tura hmalakna lian zual leh hmachhawp pawimawh tak tak a awm a sawi a, NEP 2020 zulzuiin Secondary leh Higher Secondary zirlai-te tan Science leh Mathematics textbook-te chu Mizo leh Sap tawng inkawpa siam a nih tawh thu leh kar khatah ni khat Home Language Day leh Hindi Speaking Day atana ruahman a nih thu a sawi a. Khawpui leh thingtlang zirna inthlauhna sutkian nan SAfES (Standardized Assessment for Elementary Schools) hmanga State puma Common Question System hman tan a nih thu a sawi bawk.
Education Minister chuan zirtirtute leh School dinhmun endikna atan Vidya Samiksha Kendra (VSK) portal-ah sawrkar School thlalak leh project hna upload a nih thu sawiin, Mizoram chuan Performance Grading Index (PGI)-ah hma a sawn chhoh mek thu a sawi a. Samagra Shiksha kum hmasa budget 51% chauh hman a nih chhan chu Central-in SNA atanga SPARSH system-a inthlak avang leh RBI leh Ministry timing inmil loh avang a nih vang a nih thu sawiin, Central atanga sum dawn thinte chu tha taka hman zel a nih tur thu a sawi bawk.
He Conclave-ah hian DoSEL hnuaia Centrally Sponsored Scheme (CSS) pahnih, Samagra Shiksha leh PM POSHAN chungchanga hmalakna leh hmathlirte sawiho a ni a. Minister chuan PM POSHAN hnuaia cook-te hlawh chu State contribution a leta tihpun a nih thu leh School calendar pawh Northeast ram dangte angin January a\anga December Session-ah thlak a nih thu a sawi bawk.