MIGAHTA in dinhmun hniam zawka dahna tur Rules thar an hal

Mizoram Govt. Adhoc Aided High School Teacher Association (MIGAHTA) chuan ni thum chhung lungawi lohna an lantir hnuah dinhmun hniam zawka an School dahna Rules thar chu nimin khan an hal.

    MIGAHTA chuan Provin-cialized phuta sawrkar kan nawr mek laiin School dinhmun hniam zawka dahna ‘The Mizoram Education (Lumpsum Grants-in-Aid for General Maintenance of Private School) Rules, 2026’ chu sawrkarin a tihchhuah avangin nimin khan he Rules thar hi Mizoram hmun hrang hranga Adhoc High School 80 chuangah an hal a. MIGAHTA hian Thawhtanni atang khan lungawi lohna lantirin July 20 leh 21-ah Badge dum an bel a, nimin khan ‘No Teaching Day’ hmangin Vawiin ah pawh an hmang leh dawn a, sawrkarin an duh ang chhanna an la pek loh chuan July 27 leh 28-ah Mass Casual Leave an la ang a, July 29 atanga 31 thlengin Aizawl-ah Peaceful Sit-in Demonstration neih leh an tum bawk a ni.