Zirlaite lungawi lohna BJP in awm an ti

BJP Mizoram chuan NEET Exam zawhna pût ru avanga Mizoram-a zirlai ten lungawi lohna an lantir chu a awm hlea an hriat thu sawiin, thil tha zawk a chhuah ngei an beisei thu thuchhuah siamin an tarlang a. “Thalaite hi nakina kan ram hruaitu tur leh kan ram hmalam hun zel atan pawha an pawimawh avangin, Competitive Exam pawimawh bera Exam kalpui dan hi a thianghlim a pawimawh hle a, Exam beitute pawh in rilru dam taka an hmachhawn hi BJP Mizoram chuan kan duh ber a ni,” tiin hemi chungchanga Prime Minister hmalakna chu tha an tih thu an sawi bawk.