VB-G RAM G-a mipui hlawh cut thin tihsan rel a ni
Serchhip Town Joint VC hi nimin khan Chhiahtlang North VC Hall-ah thukhawmin NREGS thlaktu VB-G RAM G-a inhlawhna (Daily Wage) chu Rs. 300/- a lo nih tak avang leh ni 125 lai hna thawh a nih tak avangin leh VC ten hmasawnna hna thawhna tur leh khawtlang tuamhlawmna tur sum an mamawhna a san avangin beneficiary tin hnen atanga contribution Rs. 80/- lak/cut thin chu a tlem berah Rs. 100/- lak/cut ni tawh se an ti a. District Level NCORD Committee in ruihhlo tihremna kawnga hma la tura Joint VC te a beisei angin ruihhlo tihrem kawngah VC ten theihtawp a hmalak nise, Gram Sabha-ah Drugs Awareness Campaign buatsaih theuh nise an ti bawk.
Hei bakah hian rukruk, suam leh sawrkar leh vantlang thil tihchhiat hluar lutuk chu pawi an tih thu leh mualphothlak an tih thu pawh sawiin, hetiang thil thleng thin titawp tur hian theihtawp chhuaha hmalak nise, hemi chungchang ah hian thuchhuah siam nise an ti a, Thirchhe leitute leh chawhmeh karhchhawngtute pawh mi rintlak te thil leh thlai chauh lei tura ngenna pek bakah he an ngenna pawi sa lo te chu an sumdawnna tihtawp sak thlenga umzui nise an ti bawk.