CADC-a sawrkar thar in fiahna a paltlang

Zonuna Kawlni (LENKAWL) • July 10, 2026 • Comments • Mizoram

Chakma Autonomous District Council (CADC)-a Chief Executive Member (CEM) atana lakluh tak BJP hruaitu Nirupam Chakma chuan nimin khan House-ah fiahna a paltlang.

CADC-ah hian BJP leh ZPM ten sawrkar intawm siama CEM thar lakluh a nih hnuah nimin khan CADC Special Session chu Dy. Chairman Sundor Muni Chakma kaihhruaina hnuaiah neih a ni a, nimin-a thutkhawm ah hian Elected Member 20-ah 19 telin MNF MDC, Rasik Mohan Chakma erawh a tel lo thung a, nimin-a sawrkar fiahna ah hian Inkhawm kaihruaitu tel lovin thutkhawm a tel Member 18 ten CEM thar, Nirupam Chakma chu thlawpin sawrkar thar chuan fiahna a paltlang a ni.

CADC Term dinglai hi kum 2025 July thla khan thla ruk chhung atan Governor thuneihnaah dah niin, kumin January ni 12 khan sawrkar a la pian theih loh avangin Governor Rule-ah dah chhunzawm leh a ni a. BJP leh ZPM te hian Chakma Democratic Alliance Legislature Party dinin sawrkar thar an siam ve leh ta a ni.