Training-a din turin ngen

Mizoram Youth Commission (MYC) Chairman Malsawmzuala Ralte chuan nimin khan Union Minister of Port, Shipping & Waterway Sabananda Sonowal chu Delhi-a a chenna In-ah hmuin, he Ministry-in nikum-a hmalakna tur an puan - North East thalai 50,000 te Maritime/Tuipui/Lawng lama hnathawk thei tura training ruahmanna a siam chu Mizo thalai ten an chhawr tangkai ve theihna tura Mizoram-a Training Centre hawng ve turin a ngen a. Minister Sonowal hian Dibrugarh, Assam-ah Training Centre din tura ruahman mek a nih thu sawiin, Mizo thalai training duhte hming lakhawm turin a hrilh a; chumi a zira Mizoram-a Training Centre din dan tur la ruahman theih a nih thu leh Ministry Official te nena sawiho tura a hrilh angin an sawiho nghal bawk a ni.