Mualthuam North-a hri leng nia hriat zirchianna a ni
He zirchianna nei tur hian Health & Family Welfare Department (H&FW), Lunglei District leh Public Health Engineering Department (PHED), Lunglei WATSAN Circle, NABL Accredited Water Testing Laboratory te chu kalin hri len chhan zirchian nan an tui tlan hnar a thianghlim leh thianghlim loh endikin, hri leng khuahkhirh a nih a, hri laka mipui an him theih nan tui tihthianghlim, damlo endik leh enkawl kawngah beihpui an thlak nghal a ni.
Mualthuam North-a hri leng endikna ah hian H&FW-a thawktute chuan damlo 99 enin, hei hi a khaw pum mihring awm zat 1,570 atangin 6.3% a ni a. Damlo an en te hi kum 2 atanga 63 inkar te niin, hmeichhia 47.1% an ni a. Damlo zingah hian School kal lai an tam ber a, an natna intanna hi School kalna leh inkhawmna atang nia hriat a ni.
Hri kai natna lanchhuah hun hi July ni 15, 2026 anga chhinchhiah niin, damdawi In-a dahluh (admit) ngai an la awm lova. Damlote insawiselna ber chu khawsik, luna, luak leh pumna te a ni tlangpui a. Tun dinhmunah chhungkaw puma khawsik leh khuh (awmna) nei kawp 67.6% an awm a. An tui tlan hi vantlang tuilak leh ruahtui te niin, tui chhuanso in chu 29.4% chauh an ni a. Damlo endikte hi 50% chu khawsikpui (typhoid) an kai leh kai loh en niin 67.6% chu rannung seh (scrub typhus) an kai leh kai loh endik a ni a. An natna bul ber endik turin sample thenkhat chu Zoram Medical College & Hospital (ZMC&H)-ah RTPCR-a endik turin thawn nghal a ni.
PHE Department NABL Accredited Laboratory-a mi thiamte chuan Mualthuam North khaw tui tlan hi endikin tui tihthianghlimna tha chi, Japan siam pawh Mualthuam North-ah hian thlen nghal a ni bawk.