Thiamloh chantir te kum 2 tang turin hrem an ni

Prevention of Corruption Act Special Court-a Special Judge F. Rohlupuia chuan Mizo Carbon Product subsidy eiruk thubuaia thiamloh a chantir mi 4 te chu kum 2 chhung lung In tang tur leh cheng nuai khat theuh chawi turin a hrem.

Special Judge F. Rohlupuia chuan niminpiah lama thiamloh a chantir tawh mi pali, Ravi Gulgulia, Vimal Kishore, Pramod Bharech leh Sandeep Agarwal, Guwahati Assam ami te hi IPC Section 120B hnuaia 420-na hnuaiah thiamloh an chang tih a puan hnuah nimin khan hremna tur a puang a, kum hnih chhung tang tur leh pawisa chawi tur hian a hrem ta a ni. He thubuai hi kum 2017 atanga ngaihtuah tawh a ni a. Luangmual Industrial Growth Centre-a Mizo Carbon Product Ltd. ten sawrkar laipui-in hmarchhak Bial-a thil siamchhuahna tih hmasawnna atana a ruahman, Central Transport Subsidy (CTS) leh Central Capital Investment Subsidy (CCIS) a pek te ik lo taka dil nia sawi leh cheng vbc. 3.41 vel lakna thubuai niin hemi atan hian document pawh dik lo taka siam nia tarlan a ni.

He thil a in hnamhnawiha puh mi 13 dang, Dr. Margareth M. Varte, Biswajit Chanda, Kajal Kanti Dey, J. Lungawia, Suchil Kumar Goyal, Atul Goyal, Praveen Choudhury, Santosh Kumar Jain, Lalrohlui, Rozama, LV Vanlalrema, John Saikhuma leh Navin Jain te chu an thiamlohna tur finfiahna a awm that tawk loh avangin thiam chantir an ni.