Summer Sports 2026 zofel

Zonuna Kawlni (LENKAWL) • July 13, 2026 • Comments • Mizoram

Mizoram pawn hmun hrang hranga awm Mizo thalai lehkha zir mek te tana buatsaih, ‘Summer Sports 2026’ chu Inrinni khan Aizawl-a R. Dengthuama Hall-ah a kharna neih a ni a, Mizoram Youth Commission (MYC) Chairman, Mal-sawmzuala Ralte chuan a hmanpui a ni. MSU Shillong buatsaih Summer Sports-ah hian India ram khawpui hrang hrang 8-a zirlaite an tel a, Shillong MSU Champion-in Delhi leh Bangalore ten an dawt a. MYC Chairman chuan he huna tel zirlaite chu nu leh pa te chawma lehkha zir an ni tih sawiin, mahni ke-a ding tura inbuatsaiha ngaihtuahna seng turin a chah a. Mizoram-ah hna a vang hle tih sawiin, sawrkar hna chu taima fal, thawkrim falte tana ban phak a ni chauh a, an zirna hmunah hnathawh tur remchang ngaihtuah a, Zoram-a lo haw kher tum lo turin a fuih bawk.