Speaker pahnih an inkawm

Mizoram Legislative Assembly Speaker Lalbiakzama chuan nimin khan Telangana khawpui Hyderabad-a Vidhan Sabha-ah Telangana State Legislative Assembly Speaker Gaddam Prasad Kumar chu hmuin an inkawm a, State Assembly ve ve-a an kalphungte sawi dun in State puitling leh lian zawk Telangana ang atang Mizoramin thurawn an mamawh thin thu Speaker, Lalbiakzama chuan a sawi a. Mizoram leh Telangana chuan thawhhona tha zawk an neih theih a duh thu a sawi bawk. Telangana Speaker Gaddam Prasad Kumar pawhin Mizoram inrelbawldan chu fakin, Mizoram in remna leh muanna an neih ang hi Telangana State tan a awh thu a hrilh a. Speaker Lalbiakzama chuan Telangana Speaker chu rem-chang hmasa berah Mizoram chu rawn tlawh ve turin a sawm bawk. Telangana hi Bicameral System-a sawrkar niin Legislature (MLA 119) leh Council (MLC 40) an nei a. Telangana State khawpui Hyderabad-ah hian an State pumpuia mipui 50% an khawsa a ni.