Serchhip Town Joint VC ten hruaitu tur an thlang
Serchhip Town chhunga Village Council hrang hrang 14 te telna, Serchhip Joint VC te hian nimin khan New Serchhip Bazar Hall-ah kum 2026-2027 chhunga hruaitu tur thlanna an nei a, Chairman-ah R. Sanghmingthanga (New Ser-chhip South VC); Vice Chairman-ah PC. Vanlalvena (Serchhip Dinthar VC); Secretary-ah Lalrinmawia Khiangte (Serchhip P&E Veng VC); Asst. Secretary-ah RC. Lalhruaitluanga (Chhiahtlang North VC) leh Treasurer-ah Lalnunsanga (Hmar Veng VC) te thlan an ni a, MJA (SD) ten inthlanna hi an neihpui a ni.
Serchhip Town Joint VC hruaitu thlanna neih a nih hma hian Chairman dinglai, R. Sang-hmingthanga kaihhruaiin hun tawite hman a ni a, he hunah hian kum kalta chhunga an hmalakna te ngaihthlak a nih bakah an ngaih pawimawh hrang hrangte an sawiho nghal bawk a. He hunah hian Serchhip Town chhunga VC hrang hrang 14 atangin mi 50 vel an tel a ni.