Serchhip-ah Police te ruihhlo man sa halral a ni
Serchhip Police ten damdawi an man te hi Serchhip District Drugs Disposal Committee-a Chairman leh Serchhip SP, Gavit Gogna IPS hovin halral a ni a, heng ruihhlo an halral zingah hian nikum September 15 zan-a Crystal Meth an man gram 89 bakah Heroin gram 220 te niin a vaiin Rs. 70,70,000 man nia chhut a ni a, heng ruihhlo kaihhnawih ah hian thubuai 7 ziahluh niin heng thubuai te hi Court a ngaihtuah a nih hnuah Court in phalna pek angin halral a ni a. He hunah hian Serchhip Addl. SP H. Lalduata, SDPO Lalrinzuali leh Excise & Narcotics Department-a Asst. Commissioner, TC. Lalropuia te telin tualchhunga thuthar thehdarhtu thenkhat te an tel bawk a ni.
Heng ruihhlo te halral a nih hma hian SP Gavit Gogna hian Serchhip Police Station-ah Serchhip Addl. SP H. Lalduata, SDPO Lalrinzuali leh Excise & Narcotics Department-a Asst. Commissioner, TC. Lalropuia bakah Serchhip Police Station-a OC, Ispr. R. Lalbiakhlua te kawmin an hmalakna te a sawipui nghal bawk a ni.