Sawrkar in kumin ah Chhiah cheng vbc. 381 hmu tawh

Sawrkar kum kal mekah Mizoram Taxation Department chuan thla 3 - April atanga June thla chhung khan Chhiah cheng vbc. 381 a hmu a; Chhiah hmuh tam berna Goods & Services Tax (GST) atangin cheng vbc. 273 hmuh a ni.
Taxation Department-in Chhiah an hmuh zat an tarlan danin, sawrkar kum kal mek 2026-27 ah hian sawrkar kum intanna April thla khan Chhiah cheng vbc. 209 hmuh niin a tam ber thla a ni a; May thla khan cheng vbc. 92 leh June thla khan cheng vbc. 79 hmuh niin, June thlaa hmuh hi sawrkar kum kal mek thla thum chhunga chhiah hmuh tlem ber thla a ni a, heng thla thum chhunga Chhiah an hmuh ah hian GST-a hmuh tam berin cheng vbc. 273 an hmu a ni.

Petrol leh Diesel atanga sawrkarin chhiah a lakna, Road Maintenance Cess leh Social Infrastructure & Services Cess atangin sawrkar kum kal mekah cheng vbc. 14 ve ve hmuh a ni tawh a; kumin April thla khan cheng vbc. 12 hmuh niin a tam ber a, May thla khan cheng vbc. khat leh thla liamta June thla khan cheng nuai 63 hmuh a ni thung.