SASCI hmalakna te thlirho

Nimin khan Chief Minister Lalduhoma hovin CM Conference Hall-ah SASCI 2025-26 hmanga hnathawh hrang hrang, Cyclone Remal 2024-25 Part I hna zawng zawng leh SASCI Reformed base Incentives 2026-27 hnuaia hnathawhte enpuina (Review) meeting neih a ni a, he hunah hian SASCI Project hrang hrang thawktu Department sawm (10) te chu a indawtin koh an ni a, an hnathawh tawh chin report te leh an hmabak la awmte sawipui an ni a. Huntiam chhunga Utilization Certificate an thehluh theih dan tur te, Expenditure Sanction la peihfel loh te rang zawka bawhzui dan tur leh SASCI Fund thar lo kal leh turte a rang lama an lo kal theih nana inbuatsaihna te an sawiho a ni. He hunah hian PWD Minister Vanlalhlana, Adviser to Chief Minister TBC. Lalvenchhunga leh Vanlaldina Fanai, Commissioner & Secretary to CM bakah Finance Official-te an tel bawk a ni.