PPP Mode in zirna In thenkhat enkawl tum a ni

School Education Minister Dr. Vanlalthlana leh Aizawl East-II Bialtu MLA leh Minister B. Lalchhanzova te chuan nimin khan Aizawl East-II Bial chhunga zirna In thenkhat tlawhin School mamawh hrang hrangte a hmunah en hoin hmalak dan tur te an sawiho a, AMC-a Executive Corporator Christina Roluahpuii Sailo chuan a tawiawm a ni. Heng sawrkar mi pawimawh te hian Chite UPS, Govt. PS Chite, Govt. Primary School-II Armed Veng South, Govt Primary School-I Armed Veng leh Govt. Armed Veng Middle School-te tlawhin kan ram zirna in hma a sawn zel theih nan Public-Private Partnership (PPP) Mode-a sawrkar leh Kohhran thawhdunna hmanga School thenkhat enkawl tum a nih thu leh ruahmanna kalpui mek a nih thu a sawi a ni.