Tunhnaia Nikir ruah sur avanga Serchhip P&E Veng-a leikhi chu nimin lam khan a khik belh zel nia a lan thu Serchhip P&E Veng VC te chuan an sawi a, nimin khan leikhi te hi a hmunah enfiah leh niin leikhi te hi Cement leh Balu chawhpawlh hmangin an hnawh leh a ni. He leikhi huamchhung ah hian chhungkaw 8 khawsa mekin Mizoram UPC Biak In a awm bawk a, nizan hmasa lamah chhungkaw pathum ten an bungrua an thiarchhuah hnuah nimin khan chhungkaw pahnih te chuan an bungrua an thiarchhuak leh a, heti hian chhung-kaw 5 ten an bungrua thiarchhuak tawhin chhungkaw pathum te pawh hi hmun him lamah an riakchhuak mek bawk a ni.
