Order sut turin sawrkar phut

Champhai District NGO Coordination Committee chuan nimin khan thuchhuah siamin Mizoram sawrkarin Champhai-a awm Conservator of Forests (Eastern Circle) thiat a, Conservator of Forests (Working, Plan, Research and Development) ti a thlaka Aizawl a sawn a ni chu Champhai District mipui te’n pawi an tiin a thawng hle tih an sawi a. Sawrkar kalta in harsa tak leh duhsak taka Conservator of Forests (Eastern Circle) Champhai a lo pek tawh heti mai a sawn sak leh an ni chu Champhai District mipuite tham lohna ah an ngai tih sawiin, Conservator of Forests (Eastern Circle) thiah leh sawnna Order hi July 2026 ralhma ngei a sût turin Mizoram Sawrkar an phût thu an sawi a. Order hi sût a nih loh chuan a tawp thlengin an do tlat dawn tih an sawi bawk. Conservator of Forests (Eastern Circle) thiahna atan hian July 20, 2026 khan sawrkar chuan thuchhuah a siam a ni.