NCC Band Competition nei

Nimin khan Aizawl Lammual-ah NCC North Eastern Region (NER) Directorate hmalaknain Group Headquarters, Aizawl hnuaia 20 Mizoram Battalion NCC, Aizawl chuan 'NER Inter-Group Band Competition 2026' neih a ni a, he hun hi NCC North Eastern Region Additional Director General (ADG) Major General Anurag Vij chuan Khuallian niin a hmanpui a ni. He inelna hi New Delhi-a Republic Day lawmna, Republic Day Camp (RDC)-ah North Eastern Region Directorate aiawh tur NCC Band thiam ber thlanna atana buatsaih a ni a. He inelnaah hian Assam, Meghalaya, Nagaland, leh Mizoram atangin Band hrang hrang an tel a, tun thla ni 4 atang khan Tanhril-a State Training Centre-ah Training an lo nei tawh a ni. He inelna ah hian Aizawl, Kohima, Guwahati, Shillong leh Tezpur Group aiawhin NCC Band Contingent pasarih (7) an tel a, 20 Mizoram Battalion NCC (Aizawl Group) Pipe Band te pakhatna niin New Delhi-a Republic Day Camp lo awm turah NCC North Eastern Region Directorate aiawhin an kal ang.