Nazareth Hospital-ah cashless

Mizoram Universal Healthcare Scheme (MUHCS) zawmtu Aizawl-a Damdawi In pakhat, Nazareth Hospital-a lut tharte tan Cashless-a inenkawlna chu July ni 2 zing atanga July ni 4 zing thleng a khaihlak hlek hnuah Inrinni zing atang khan kalpui leh tan a ni a. Akashvani Aizawl News-in Nazareth Hospital General Manager, Lalduhawma a kawmnaah Nazareth Hospital chuan July 2, 2026 khan an damlote awmna Group-ah cashless-a an kalpui theih rih loh thu an chhuah a, hetihlai hian a tuk mai ah sawrkar atangin Bill an dawn leh si avangin mipuite tan Cashless-in Bill an kalpui leh tawh tih a sawi a ni. 

Mizoram State Healthcare Society (MSHCS)-in damdawi In empanelled zingah bill diklo thehlut an awm thin thu leh chhan hrang hrang avanga Nazareth damdawi In-a lut thar turte tan Cashless a theih rih loh thu an sawi chungchanga Akashvani zawhna chhangin, Nazareth Hospital General Manager Lalduhawma chuan Damdawi In lam dik lohna chungchangah chuan sawi tur an nei lova, dik lova thil tih awm ni se hmanah Empanelment an hlihsak tawh anga, MUHCS 2.0 agreement pawh an sign pui duh a rin loh thu a sawi bawk a ni.