Mizoram sawrkar-a Cabinet Minister lo ni tawh F. Malsawma chu Inrinni zan dar 7:30 khan Aizawl-a Trinity Hospital-ah boralin nimin khan vuiliam a ni. Kum 79-a upa F. Malsawma hi kum 1978 MLA inthlan-ah Suangpuilawm Bial atangin thlan tlin a ni a, kum 30 leh thla 9 mi chauh niin Brig. T Sailo kaihhruai PC Ministry-ah Cabinet Minister a ni a, a hunlai-a India rama Cabinet Minister naupang ber pawl niin kum 1993 leh 1998-ah MNF Party Ticket in Aizawl North II Bial atangin MLA atan thlantlin leh a ni a, MNF Ministry-ah khan Cabinet Minister a ni leh bawk a. Kumin kumtir lam khan Thin cancer a nei tih hmuhchhuah niin a boral zui ta a ni.
