MYC-in 'Lehkhabu chhiar campaign' buatsaih

Mizoram Youth Commission (MYC) hnuaia Promotion of Reading Culture leh Aizawl Venghlui Branch YMA-a Library & Archive Sub-Committee tangkawp buatsaihin Inrinni khan YMA Chhang pualin 'Lehkhabu Chhiar Campaign' chu Venghlui-a Central Hall-ah neih a ni a, he hun hi MYC Chairman, Malsawmzuala Ralte chuan hmanpuiin lehkhabu chhiar thatna leh tangkaina sawiin, naupang leh tleirawlte chu lehkhabu tha chhiar taima deuh deuhin turin a fuih a. MYC hian tleirawl Chawhnu Inkhawm-ah leh School-ah te Reading Culture Promotion Programme hi a neihpui thin thu sawiin, a sawm duh apiangte tan a inhuam em em reng tih a sawi bawk a. He hunah hian Dr. Lalrinsangi Nghinglova, Promotion of Reading Culture Member-in lehkhabu chhiar thatna leh tangkaina te sawiin, chawhnu lamah YMA Chhang te hi Games leh Quiz hmanga inelna hun hmanpui an ni bawk.