MSHCS-a CEO-in Lungsen PHC tlawhin thawktute a kawm

Mizoram State Health Care Society (MSHCS) Chief Executive Officer (CEO) Dr. Lalhriatzuali Ralte chuan niminpiah khan Lungsen Primary Health Centre (PHC) tlawhin, Damdawi In-a inenkawlna senso chhawk zangkhaina, Mizoram Universal Health Care Scheme (MU-HCS) leh Ayushman Bharat–Pradhan Mantri Jan Arogya Yojana (AB–PMJAY) kalpui chungchanga PHC dinhmun a enfiah a. MUHCS leh AB-PMJAY kalpuina kawng leh hriselna kaihhnawih hma lakna hrang hranga Lungsen PHC dinhmun leh harsatna te chu thawktute nen sawiho in, an mamawh leh hriselna kawnga hmasawnna atana thil pawimawh hrang hrang te an sawiho bawk a. Mipuite an damloh nikhuaa an damdawi In awmna senso chhawk zangkhai tur leh sum seng lova an inenkawl theihna tura Mizo-ram sawrkarin MUHCS a ruahman leh sawrkar laipui ruahmannaa AB-PMJAY kalpui te chu a mamawhtu mipuite'n an chhawr tangkai zel theih nan theih tawpchhuah turin thawktute leh Official-te chu a chah a ni.