MNF Vice President-in FCRA an do tlat thu a sawi
Nimin a MNF Party in Mizo Hnam Run Chhung Inkhawm an neih ah MNF Vice President, Lalchhandama Ralte chuan Foreign Contribution (Regulation) Act (FCRA) awmzia sawifiahin, “FCRA chu Kohhran, NGO, Society etc. ten foreign atanga tanpuina an dawn enkawlna dan a ni a. FCRA Dashboard-a a lan danin Mizoram-ah ‘Associations Registered’ 78 awmin, heng zinga 34 chu license thi leh license cancel 35 an awm a. Active chu 19 an awm,” a ti a. FCRA Amendment 2026-ah hian Foreign Contribution dawng thei tho si, tih hleih theih lohin siam an tum nia sawiin, “Mizoram-a School, Fahrah enkawlna leh thil dangten an tuar dawn. Hei hi Kristianten kan dodal nasa a ni,” a ti.
He Dan-ah hian an hmunhma (asstes) laksakna dan te, SBI Main Branch-ah chauh tnpuina sum a luh theih dawn thu leh Central sawrkar chuan engkim an centralized dawn thu MNF Vice President chuan sawiin, MNF chuan FCRA chungchang ah hian hma an lo lak tawh thu leh July 7, 2026 khan Special Intensive Revision (SIR) 2026 Draft Roll chungchang inrawnkhawmnaah FCRA hi agenda-ah an thawh thu a sawi a, “Kan agenda erawh a kaltlang lo. FCRA kan duh lo thu vantlang hriatah kan puang chhuak tawh,” a ti a. “FCRA hi Lok Sabha leh Rajya Sabha-a kan MP ten nasa taka an dodal kan beisei a. Abstain mai mai lo turin kan phut a ni,” a ti a. Nagaland leh Meghalaya-ah chuan an CM-ten kohhran hruaitute nen Delhi-ah hotu liante an sawipui tawh thu pawh sawiin, hetiang tur hian an phut thu a sawi bawk.