Mizoram tlawh rih lo turin ti

Tourism Department chuan Mizoram hmun hrang hrangah Fur ruahtuiin chhiatna hrang hrang a thlen avangin zin mite chu an him zawk nan Mizoram tlawh rihlo turin an ngen.

Tourism Department chuan tunhnaia ruahsur avangin Mizoram hmun hrang hrangah tuilian, leimin leh chhiatna hrang hrang a thlen avangin State pawn atanga zin mite chu an him zawk nan tun dinhmunah Mizoram tlawh rih lo turin an ngen a, buaina lian zawk thlen palh a hlauhawm avangin zin tura lo inbuatsaih tawh te pawh hun danga zin tum zawk turin an chah a ni. 

Indian Meteorological Department Aizawl chuan khawchin a thlirlawk danin Mizoram hmun hrang hrangah ruah a la sur chhunzawm dawn a, hmun thenkhatah chuan Tek tlak theihna a awm tih sawiin, mipuite fimkhur turin an ngen a ni.